Como Concelleiro de Deportes do Concello de Ourense dírixome a todas e todos os componentes da Escola Deportiva de Ourense. Estou convencido de que estades a facer un traballo importante, inculcar aos mozos e mozas, aos nenos e nenas, a práctica do deporte, supón traballar polo futuro da nosa mocidade.

Desde que chegamos ao goberno municipal da nosa cidade, empeñámonos en potenciar o deporte de base, sobre todo en idade escolar, e queremos  seguir colaborando cos centros educativos incrementando a oferta de actividades extraescolares.

Fomentar e facilitar a práctica do deporte, axuda a mellorar o estado físico das persoas, xa desde nenos, repercutindo na mellora da saúde e calidade de vida. Por eso debedes estar convencidos de que o voso traballo sempre terá un premio e que desde a Concellería de Deportes e o Consello Municipal de Deportes, que eu teño a honra de presidir, sabrémolo de agradecer.

Xosé Fernando Varela Parada, concelleiro de Deportes.